.
बेभान मन एकच छंद
जगायचंय मला प्रत्येक सेकंद
आले क्षण अन जातील किती
पारा निसटण्याचीच मला भिती
तेज साठवेन डोळ्यात, होण्याआधी बंद
जगायचंय..जगायचंय मला प्रत्येक सेकंद
शतदा प्रेम करावे ची धून
चांद्णे, दवबिंदू, पायल रुणझुण
फुलांचा वास घ्यायला कसले आलेत निर्बंध
जगायचंय..जगायचंय मला प्रत्येक सेकंद
तेच ते जगणे अन कंटाळवाणे रुटीन
उपाय एकच हरक्षणाला नव्याने भेटीन
नजर बदलता माझी, आयुष्य़ बदलेल सबंध
जगायचंय..जगायचंय मला प्रत्येक सेकंद
- योगेश जोशी (पुणे)
.
पोस्ट्स
कोणत्याही टिप्पण्या नाहीत:
टिप्पणी पोस्ट करा
ही कविता वाचून कसे वाटले? कलाकाराला त्याच्या कलाकृतीची दाद मिळाली तर त्याचा उत्साह वाढतो, हो ना? मग तुम्ही तुमची प्रतिक्रीया नक्की नक्की इथे लिहून जा. मी या कवितेच्या निर्मितीकाराजवळ तुमची प्रतिक्रीया पोहोचवेन. आणि हो कवितेखाली जी लिंक आहे तिथे जाऊन थेट त्या कलाकाराला पण तुम्ही प्रतिसाद देऊ शकता.