शनिवार, २३ मे, २००९

सगळेजण - योगेश जोशी (पुणे)

.

प्रेम करताय तुम्ही?
मी सुध्दा…

शब्द वाकवले जेव्हा
तेव्हा सूर मोकळे झाले
डोळे उजळून पाहता वर
किरणांचे आभाळ झाले

गाणं गाताय तुम्ही?
मी सुध्दा…

रात्रीनं सांगितला अर्थ मला
तुटणाऱ्या ताऱ्यांचा
झाडामागून वाट काढताना
भरारणाऱ्या वाऱ्याचा

दिवे लावताय तुम्ही?
मी सुध्दा…

भरारत्या समुद्राचे कधी
तुफान गल्बतावर आले
हात धरलेल्या हातांनी मग
शीड काळजाचे केले

वाट शोधताय तुम्ही?
मी सुध्दा…

प्रेम करताय तुम्ही?
मी सुध्दा…

योगेश जोशी

द्वारा: अनुराग at ९:२१ PM
सूचक शब्द: ,

२ टिप्पण्या:

ही कविता वाचून कसे वाटले? कलाकाराला त्याच्या कलाकृतीची दाद मिळाली तर त्याचा उत्साह वाढतो, हो ना? मग तुम्ही तुमची प्रतिक्रीया नक्की नक्की इथे लिहून जा. मी या कवितेच्या निर्मितीकाराजवळ तुमची प्रतिक्रीया पोहोचवेन. आणि हो कवितेखाली जी लिंक आहे तिथे जाऊन थेट त्या कलाकाराला पण तुम्ही प्रतिसाद देऊ शकता.

याची सदस्यत्व घ्या: टिप्पणी पोस्ट करा (Atom)