.
शाळेपेक्षा ट्यूशन मोठी
बोर्डापेक्षा एण्ट्रन्स एग्झाम
पाठ्यपुस्तक कोण वाचतो
ट्वेण्टी क्वश्चन्स करतात काम..
मागे वळून पहात नाही
शाळेबद्दल नसतो ओढा
शिक्षक कोण आठवत नाही
शाळा संपली, विषय सोडा..
पाहू एखादा मॅटिनी शो
सगळं कसं.. यूज़ अँण्ड थ्रो..!
घरात वेळेवर कोणी नसतं
प्रत्येकाचं वेगळे शेड्यूल
पैसा खर्चून सोयी दिल्या
काळजी नसते.. जेवलं का मूल..
मुलं मोठी होतात तेंव्हा
करिअरपुढे कुटुंब गौण
म्हातारपणी त्रास झाला
आपलीच करणी, आपलंच मौन..
आपुलकीला बसला खो
सगळं कसं.. यूज़ अँण्ड थ्रो..!
नवराबायको एकत्र रहायचं
जबाबदारीचं उगाच ओझं
एकत्र राहिलो तरी प्रायव्हसी हवी
तुझं ते तुझं आणि माझं ते माझं..
कमिटमेंट नको, निष्ठा कशाला हवी
मनात आहे तोवर एकत्र राहू
एकत्र असलो तरी जग मोठं आहे
इकडेतिकडे डोकावून पाहू..
लिव्ह-इन रिलेशनचा फायदा जो
सगळं कसं.. यूज़ अँण्ड थ्रो..!
.
पोस्ट्स
कोणत्याही टिप्पण्‍या नाहीत:
टिप्पणी पोस्ट करा
ही कविता वाचून कसे वाटले? कलाकाराला त्याच्या कलाकृतीची दाद मिळाली तर त्याचा उत्साह वाढतो, हो ना? मग तुम्ही तुमची प्रतिक्रीया नक्की नक्की इथे लिहून जा. मी या कवितेच्या निर्मितीकाराजवळ तुमची प्रतिक्रीया पोहोचवेन. आणि हो कवितेखाली जी लिंक आहे तिथे जाऊन थेट त्या कलाकाराला पण तुम्ही प्रतिसाद देऊ शकता.