.
प्रेम करताय तुम्ही?
मी सुध्दा…
शब्द वाकवले जेव्हा
तेव्हा सूर मोकळे झाले
डोळे उजळून पाहता वर
किरणांचे आभाळ झाले
गाणं गाताय तुम्ही?
मी सुध्दा…
रात्रीनं सांगितला अर्थ मला
तुटणाऱ्या ताऱ्यांचा
झाडामागून वाट काढताना
भरारणाऱ्या वाऱ्याचा
दिवे लावताय तुम्ही?
मी सुध्दा…
भरारत्या समुद्राचे कधी
तुफान गल्बतावर आले
हात धरलेल्या हातांनी मग
शीड काळजाचे केले
वाट शोधताय तुम्ही?
मी सुध्दा…
प्रेम करताय तुम्ही?
मी सुध्दा…
योगेश जोशी
पोस्ट्स
